JE? NINI MCHANGO WA MGOMBEA URAIS DMV LIBERATUS "LIBE" KWENYE URAIA PACHA?

Na Liberatus Mwang’ombe "Libe"

      Nikiwa kama mwana Diaspora nimekuwa nikifuatilia maendeleo ya mchakato wa kupata katiba mpya nyumbani.  Kama mTanzania ninaye jishirikisha na mambo ya nyumbani kwa karibu; nimeweza kuiandikia Tume ya Katiba maoni kwa ajili ya kupata katiba mpya likiwemo swala la “URAI PACHA”.  Kwenye insha hii nitaelezea jinsi nilivyo sukuma uraia pacha kwa jitihada binafsi.  Pia nitaweka link na picha ya “petition” niliyo ianzisha kipindi cha kukusanya maoni ya katiba.  Petition hii iliweza kusainiwa na waTanzaina 90; idadi ambayo ni kubwa kuliko maoni yaliyo tolewa na waTanznia wote kwenye tume ya katiba juu ya uraia pacha.

Hii ndio sura ya "petition" ya uraia pacha niliyo ianzisha August 2013

          Petition hii ya maoni kwa tume ya katiba niliianzisha August 26, 2013 kwa lengo la kuongeza msukumo wa uraia pacha kwenye tume ya katiba.  Kwa kila mTanzania aliye weka sahihi alipata “confirmation” kwenye barua pepe na barua pepe nyingine ilitumwa kwenye Tume ya Katiba moja kwa moja.  Baada ya tume ya katiba kumaliza muda wa kuchukua maoni; nili iunganisha petition hii na email za wabunge wa Bunge la jamuhuri ya Muungano ili mTanzania akiweka sahihi na wao wapate taarifa ya kilio chetu.

      Sio haya tu; petition hii ili unganishwa na “email” ya Waziri wa Mambo ya Nje na Ushirikiano wa Kimataifa, Bernad Membe, ili naye awe anapata kusikia kilio cha watanzania tuliopo nje ya nchi.  Kilio hiki kilisikika na wizara yake iliweza kupendekeza uraia pacha kwenye maoni yake.  Maoni ya wizara yake yalikuwa kama ifuatavyo kwenye kipengele cha 3;

3) Kuhusu suala la uraia katika Jamhuri ya Muungano; Baraza lilipendekeza kuwa suala la uraia wa nchi mbili kwa Mtanzania wa kuzaliwa litamkwe Kikatiba na Raia huyo asipoteze uraia wake wa kuzaliwa kwa sababu ya kupata uraia wa nchi nyingine. Uraia wa nchi mbili utatoa fursa kwa Taifa letu kufaidika kimaendeleo kutokana na kutumia rasilimali za Watanzania walioko nje ya nchi;

Jitihada hizi binafsi na waTanzania wengine walio saidia kuweka sahihi kwenye petition hii ziliongeza msukumo wa URAIA PACHA ambapo kwenye rasimu ya pili iliyo toka November 2013, kipengele hiki kilipitishwa na sasa kitajadiliwa Bungeni.

Petition hii bado ipo wazi na unaweza kuweka sahihi ili tuendelee kuweka mkazo kwa wabunge wa Bunge Maalumu la katiba BONYEZA HAPA KUWEKA SAHIHI PETITION HII

Mchango wangu haukuishia hapo bali uliendelea; mnamo November 30, 2013 nikiwa kwenye Miss Tanzania USA Pageant na Mbunge Leticia Nyerere nilimkutanisha Rais, Idd Sandaly, Makamu wake, Raymond Abraham, na Mbunge huyu nikiwa na wazo la kuwaomba tutafute watu ili waende Dodoma kipindi cha Bunge la Katiba kwaajili ya "Lobbying".  Mbunge Nyerere aliahidi kutoa ushirikiano pindi wana Diaspora wataenda Dodoma.  Zaidi ya haya; nilitoa wazo la kuanzisha petition kama jumuia kwaajili ya swala hili. Mawazo haya yalipokelewa na uongozi wa jumuia na kutendewa haki. Kwa sasa petition inayo endelezwa na jumuia ina sahihi zaidi ya 1700 na sahihi yangu ikiwa ya mwanzoni na "nilishare" hii petition kwenye social media. Zaidi, mchango wangu wa fedha za lobbying ulikuwa $200.00 ili kuhakikisha tunapata uraia pacha.

Yafuatayo ni maoni ambayo nilituma moja kwa moja kwenye tume ya katiba pembeni ya petition niliyo anzisha

January 16, 2013                          

To: Tume ya Mabadiliko ya Katiba

From: Liberatus Mwangombe

Re: Mchango wangu wa KATIBA mpya

Moja: Uwazi wa mishahara ya wanasiasa

Katiba mpya iruhusu kuweka wazi mishahara ya wana siasa na marupu rupu yao (pamoja na Rais). Viongozi wa nchi ni waajiliwa wa wananchi, hivyo basi ni haki ya muajili kujua anamlipa muajiliwa wake kiasi gani.

Pili: Adhabu ya kifo

ADHABU YA KIFO ifutwe. Kwa  jinsi dunia inavyoendelea kisayansi na technologia kuna uwezokano mkubwa mtu kuonekana na hatia leo na kuhukumia kifo na miaka ijayo kuzihilika kuwa alikua hana hatia. Mfano, mtu huyo ananyongwa baada ya kukutwa na hatia. Baada ya miaka kumi (kunyongwa) kutokana na kukua kwa sayansi na technolojia inagundulika kuwa mtu aliye nyongwa hakua na hatia. Tutawezaje kumrudisha? Tumeona mifano mingi kwenye nchi zilizo endelea, watu wapo kwenye “death row” lakini DNA imekuja kuwatoa kwenye hatia baada ya miaka mingi kwa ajili ya kukua kwa sayansi na technologia.

Tatu: Umri wa kugombea nafasi

Umri wa kugombea nafasi za uongozi ushushwe (pamoja na Uraisi). Kama mtu wa miaka 18 au 21 anaweza kuchagua kiongozi, kutumika jeshi au polisi, ni haki kuwa na HAKI ya kuchaguliwa kutumikia ofisi yoyote ya serikali.

Nne: Urai pacha

Kwa jinsi dunia inavyo badilika, sasa ni muhimu kuruhusu uraia pacha. Tanzania tupo katika nchi za Africa mashariki, Kenya na Uganda. Wenzetu hawa wamesha ruhusu uraia wa nchi mbili, hii inawapa nafazi zaidi kuwa washindani katika level ya kimataifa kuliko sisi. Tunahitaji hili ili tuweze kuwa na nafasi sawa na wenzetu wa Afrika mashariki na dunia kwa ujumla. Tunaweza kutengeneza misingi kwenye katiba yetu ambayo itakuwa vigumu kwa wageni kuchukua uraia wa nchi yetu. Mfano, mtu hawezi kuwa raia wa Tanzania hadi awe ameishi Tanzania kwa miaka ishirini na asiwe amevunja sharia yeyote ya nchi. Pili, mtu anaweza kuvuliwa uraia kama atavunja sharia za nchi. Au, tunaweza kuweka sharia ya kuto toa urai kwa wageni na Mtanzania yeyote mwenye uraia wa nchi nyingine akiwa Tanzania ni lazima afuate sharia za nchi hadi pale atakapo toka nje ya mipaka na atachukuliwa ni mtanzania wa KUZALIWA. Kumbuka, waTanzania wanao chukua raia nyingine ni waTanzania wa kuzaliwa, mioyo yao ni Tanzania, majina yao ni Tanzania, ndugu zao ni waTanzania, wanaipenda Tanzania, na wanazungumza Kiswahili, isipo kuwa sio waTanzania kwenye makaratasi. Achilia mbali mchango wao kwa Taifa.

Tano: Viti maalumu

Viti maalumu viondelewe kwenye katiba. Viongozi wanapaswa kuwawakirisha wananchi, hivyo basi inapotokewa kiongozi anateuliwa na Raisi anakuwa ana kila sababu ya kutetea maslai ya aliye mteua (Raisi) badala ya wananchi.

Sita: Madaraka ya raisi

Raisi asiruhusiwe kuchagua wakuu wa mikoa bali apewe madaraka ya kuchagua baraza lake la mawaziri ambalo wachaguliwa wasiwe wabunge. Pia, wakuu wa mikoa wachaguliwe na wananchi badala ya kuteuliwa na Raisi. Napendekeza kipindi cha ukuu wa mkoa kiwe cha miaka sita, lakini unaweza kutumikia vipindi visivyo na ukomo kama ukiwa unachaguliwa kila mara.

Saba: Rasilimali

Rasilimali za madini, mafuta gesi n.k ni mali ya waTanzania. Hivyo basi, serikali kabla ya kusaini mkataba wowote ni lazime upitiwe na bunge.

Nane: Mamamlaka ya Bunge

Bunge kama mwakilishi wa wananchi liwe na HAKI ya kumuwajibisha au kumfukuza kazi Raisi endapo atatumia madaraka yake vibaya. Pia Raisi asiwe na kinga zidi ya sharia akiwa madarakani au baada ya kumaliza uongozi.

Tisa: Elimu na Afya

Elimu na Afya iwe ni haki. Katiba iidhinishe kuwa ni HAKI kwa kila mtanzania kupata matibabu anavyo kuwa mgonjwa na pia ni haki kwa kila mtanzania kupata elimu. Matibabu na elimu visiwe bidhaa au biashara. Hivi viwe basic “ HUMAN RIGHT” kama haki ya KUISHI.

Katiba ya sasa hii hapa: Katiba ya Tanzania

Liberatus Mwangombe.

240-423-3331

Kwa habari za kampeni zangu BONYEZA HAPA

WANA DMV NAOMBA KURA NA FURSA YENU YA KUIONGOZA JUMUIA