Doto Mallongo mwanachama hai wa Jumuiya ya waTanzania DMV

Na Ebou Shatry

Mkaazi mkongwe katika Jiji la Washington D.C. Bwana Doto Mallongo siku ya Jumatatu June 23 amefanikisha  kulipa ada yake ya uwanachama hai baada ya kukutana na Jabiri Jongo, ambae ni Mjumbe wa tume ya uchaguzi wa Jumuiya ya waTanzania DMV ili kujianda kwa ajili ya maandalizi ya kinyang'ang'anyiro cha uchaguzi ujao utakaofanyika Julai 21, 2014

Mkazi wa  mkongwe wa DMV bwana Doto Mallongo akimkabizi pesa taslim Bwna Jabiri Jongo ambae ni Mjumbe wa tume ya uchaguzi wa Jumuiya ya waTanzania DMV na kuwa Mwanachama hai wa jumuiya.

Katika harakati hizo za maandalizi ya  uchaguzi uliopangwa kufanyika Julai 20,  mwaka huu, kwa mujibu wa sheria ya katiba ya Jumuiya ya waTanzania DMV, waTanzania wote wanapaswa kuwa wanachama hai ili wajipatie fursa ya upigaji kura na kumchagua kiongozi wanaemtaka 

Bwana Doto kwa uthipitisho wa kufuata sheria hizo za katiba na kuwa mwanachama hai, alisisitiza sana watu kulipa ada ya uwanachama hai ili wapate fursa ya uchaguzi wakupiga kura na kumchagua kiongozi wanaemtaka, Doto Mallongo aliyasema hayo akiwa mmoja wa wanachama wajumuiya jijini hapa anaetaka mabadiliko dhidi ya uongozi uliopita, kwa utekelezeaji wa sheria za katiba ya Jumuiya ya waTanzania DMV

Baada ya kulipa ada yake ya kuwa mwanachama hai, aliwataka tume ya uchaguzi wa Jumuiya ya waTanzania DMV kuwa makini sana na maamuzi binafsi ambayo yanafanywa kwa ukiukwaji wa katiba bila ya kushurutisha pande nyingine, ambapo kwa hivi sasa tayari maswali mengi yameanza kujitokeza dhidi ya ukiukwaji wa sharia katika mchakato wa uchaguzi utakaufanyika mwishoni mwa mwenzi ujao.